Ақтөбе қаласында Мұғалжар ауданы әкімдігінің қолдауымен аудандық мәдениет, тілдерді дамыту және спорт бөлімі, аудандық мәдениет үйінің ұйымдастыруымен қазақ музыкасын зерттеуші көрнекті ғалым, композитор, дирижер, Қазақстанның халық артисі, академик Ахмет Жұбановтың шығармашылығына арналған «Саз әлемінің сардары» атты республикалық байқауы өтті.
Ахмет Жұбановтың шығармашылығын насихаттауға бағытталған байқауға Астана, Алматы, Ақтөбе, Жамбыл, Қызылорда, Атырау, Солтүстік Қазақстан облыстарынан 17 өнерлі жастар қатысты.
Байқау алғаш рет республикалық деңгейде ұйымдастырылды. Байқауға қатысушылар өз өнерлерін ортаға салып, жүлделі орындарға таласты.
Байқаудың қорытындысы бойынша үздік деп танылған қатысушыларды аудан әкімінің орынбасары Әкімжан Есенаманов Дипломдармен және ақшалай сертификаттармен марапаттады.