Ақтөбе қаласында облыстық білім беру ұйымдары жалпы білім беретін мектептердің оқушылары арасында «Айбын-2025» халықаралық әскери-патриоттық жастар жиынының облыстық кезеңі өтті.
Аталған сайысқа облысқа қарасты аудандардан 11 команда қатысты. Облыстық кезеңде Мұғалжар ауданының намысын Қандыағаш қалалық 3 мектеп-гимназиясының, Қандыағаш қалалық 5 жалпы білім беретін орта мектебінің және Мұғалжар жалпы білім беретін орта мектебінің оқушыларынан жинақталған команда қорғады.
6 турдан тұрған сайыстың қорытындысы бойынша командалық есепте Мұғалжар ауданының командасы жүлделі ІІ орынды иеленді. Жеңімпаз бен жүлдегер атанған командалар Дипломдармен, медальдармен және кубоктармен марапатталды.