Президент Жолдауында айтылған тапсырмалардың орындалып жатқанының нақты бір көрінісін Ақтөбе облысынан көруге болады. Аймақта соңғы жылдары бірқатар ауқымды жобалар іске асырылуда. Соның ішінде халық көптен күткен «Ақтөбе – Қандыағаш» автожолының реконструкциясы аяқталды.
Бұл жол – стратегиялық маңызы бар жоба. Бұрынғы тар әрі ескірген жолдың орнына заманауи талаптарға сай кең әрі қауіпсіз жол салынды. Нәтижесінде көлік қатынасы жеңілдеді, ағыны реттелді, өңір экономикасына серпін берілді.
Осындай ірі жобалардың жүзеге асуы – тек облыс тұрғындары үшін емес, бүкіл еліміз үшін маңызды қадам. Себебі көлік-логистика саласының дамуы – өндіріс, сауда, туризм сияқты өзге салалардың өркендеуіне жол ашады.
Жұлдыз Елубай, аудандық қоғамдық кеңестің мүшесі.