Бүгін Халық кеңсесі ғимаратында №540 референдум учаскесінде дауыс беру процесі өтуде. Учаскелік комиссия төрағасы Абзал Жалғасовтың айтуынша, бұл учаскеде барлығы 1846 азамат тіркелген.
— Учаске таңғы сағат 6:00-де жұмысын бастады. Қазіргі таңда 50-ден аса адам келіп, өз таңдауын жасап үлгерді, — деді комиссия төрағасы.
Осы учаскеде «Тентек» лақап атымен танымал футбол жанкүйері дауыс берді. Ол референдумның маңызына тоқталды. – Менің ойымша референдум ел дамуы үшін маңызды. Өйткені ол азаматтарға елдегі маңызды мәселелер бойынша өз пікірін білдіруге мүмкіндік береді. Сондықтан бүгін арнайы келіп, дауыс бердім. Әрбір адам ел болашағына бейжай қарамай, осындай саяси науқандарға қатысуы керек, — деді ол.
Комиссия төрағасының айтуынша, осы референдум учаскесі бойынша әзірге үйден дауыс беруге өтініш түспеген. Учаскедегі жағдай тұрақты бақылауда.