17 наурыз — «Тарихқа тағызым» күні
Мұғалжар аудандық орталық кітапханасында «Дәстүрлер жаңғырығы» атты этнографиялық көрме өтті. «Коворкинг» орталығында ұйымдастырылған көрмеге салт дәстүрді дәріптейтін ұлттық ыдыс-аяқтар, киіз үй көрінісі, бесік жасаулары, түрлі ұлттық бұйымдар қойылды. Ұйымдастырушылардың айтуы бойынша, ерекше ұйымдастырылған инсталяциялық көрменің бір бөлігіндегі киіз үйде кітап оқып отырған қариялардың бейнесі жас ұрпақты кітап оқуға, білімді болуға ынталандыру мақсатында жасақталған. Сонымен қатар көрмені тамашалауға келген оқырмандар «Қазақтың сәндік қолтаңбалы өнерінің шетелдегі жәдігерлері», «Ұлт жауһарлары», «Зергерлікөнерәлемі», «Ою-өрнектер» атты қолөнер шеберлерінің туындылары мен салт-дәстүрді, әдет-ғұрыпты дәріптейтін құнды кітаптар сөресін тамашалап, қызықты мәліметтермен танысты. Көрме соңы халық әні «Дедімайау» әнімен аяқталды.
Н. КЕСІКҚҰЛ