Мұғалжар ауданының білім бөліміне қарасты 28 бөбекжай бақшалар мен дәстүрлі оқып жатқан мектептердегі мектеп жанындағы шағын орталықтары 15 баладан аспайтын кезекші топпен санитариялық нормаларды сақтай отырып, жұмыстарын жалғастырады. Бөбекжай-бақшаларға келген ата-аналар міндетті түрде бетперде тағып, карантиндік шектеулерді қатаң сақтауы тиіс. Уақытша шектеу шаралары аяқталғанға дейін үйде отырған балалардың мектепке дейінгі ұйымдағы орындары сақталады. Бұл туралы аудандық білім бөлімінің мамандары хабарлады.
Н.ТІЛЕП