«Мұғалжар» аудандық қоғамдық-саяси газеті

Қазақстан полицейлері пәтерлер мен аулаларды аралайды

Қазақстанда 1 қыркүйектен 1 желтоқсанға дейін «Учаске» жедел алдын алу іс-шарасы өткізіледі. Полиция қызметкерлері аулалар мен пәтерлерді аралайды, — деп хабарлайды Tengrinews.kz тілшісі.

«Қазіргі уақытта бүкіл ел бойынша проблемалық мәселелерді зерделеу, учаскелерде құқықбұзушылықтың алдын алу және ескерту үшін әкімшілік учаске тұрғындарын барынша қамтуға бағытталған «Учаске» жедел-алдын алу іс-шарасы өткізіліп жатыр», — деді ІІМ ресми өкілі Нұрділдә Ораз.

Оның айтуынша, операция кезінде учаскелік полиция инспекторлары өздеріне бекітілген әкімшілік учаскелерде халықпен танысу, сондай-ақ түрлі құқықбұзушылық жасаған адамдарды анықтау және ішкі істер органдарында есепте тұрған азаматтарды тексеру үшін аулаларды және пәтерлерді аралап шығады.

«Сондай-ақ, жалдамалы пәтерлер, базарлар және басқа да сауда орындары, тұрмысы нашар отбасылар, қоғамға жат іс-әрекеттер жолын кесу үшін жастар мен кәмелетке толмағандар шоғырланатын орындар, сондай-ақ қару иелері мен шетелдіктер тексеріледі.

Сонымен қатар, полиция саяжай массивтерін, құрылыс нысандарын, оның ішінде тоқтатылған және қараусыз қалған, шатырлы және жертөле үй-жайларын тексереді», — деп қосты ол.

Ауылдық жерлерде негізгі күш-жігер қыстауларды тексеруге және белгілі тұрғылықты жері жоқ адамдарды анықтауға, шетелдік азаматтарды заңсыз пайдалану дерегіне, тіркелмеген қарулар мен басқа да тыйым салынған заттарды сақтауға бағытталған.

Ұқсас ақпараттар

ҚАНДЫАҒАШ СТАНЦИЯСЫНЫҢ ВАГОН ҚАРАУШЫЛАРЫ АПАТТЫҢ АЛДЫН АЛДЫ

admin_mugalzhar

«Ақтөбе жастары» бойынша өтініш қабылдау басталды

admin_mugalzhar

Whatsapp жаңа мүмкіндікке ие болды

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.