Ембі қаласында «Рухани жаңғыру» бағдарламасы, ҚР Тәуелсіздігінің 30 жылдық мерейтойы, «NurOtan» партиясының сайлауалды бағдарламасы аясында мәдениет қайраткері, халық күйшісі Д.Нұрпейісованың 160 жылдық мерейтойына орай «Күй-тәңірдің күбірі» аудандық күйшілер байқауы өтті.
Салтанатты шараға арнайы қатысқан қала әкімі Әлімжан Қорғанбай сөз сөйлеп, байқауға қатысушыларға сәттілік тіледі. Байқауға қатысқан 9 күйші екі шарт бойынша өнер көрсетіп, қазылар алқасының шешімімен лайықты жүлделі орындар иеленді. Бас жүлдені А.Жанасаев, І орынды С.Бралин, С.Мырзабеков, ІІ орынды Ж.Сейітқалиев, Ә.Мұхамбедиев, Н.Айтуарова, ІІІ орынды Е.Макашев, Ж.Жексенбаев, Қ.Үсенбаев иеленді. Жүлдегерлер арнайы диплом және бағалы сыйлықтармен марапатталды.
А.ДАРХАН