Аудандық тарихи-өлкетану музейі қызметкерлерінің ұйымдастыруымен Тәуелсіздіктің 30 жылдығы қарсаңында самбо күресінен Азия чемпионы, ҚР спорт шебері, Тәуелсіздік құрдасы Мадияр Алдамжаровпен онлайн кездесу өтті. Кездесуге қандыағаштық жас спортшылар қатысып, спортшыға сұрақтарын қойып, қызықты әңгімеге куә болды. Кездесу барысында бапкерлікжасап, ауылжастарын спортқа үйретіпжүрген Мадияр Асқарұлы спортшы болу үшін шыдамды, намысшыл, мінезді болудың керектігін баса айтты. Сонымен бірге денсаулықты да күтіп, зиянды әдеттерден аулақ болып, салауатты өмір салтын қалыптастырып жүрудің демаңыздылығына тоқталды. Инстаграм желісі арқылы тікелей эфирде өткен онлайн сұхбатқа қала тұрғындары да қатысып, спортшыға өздерін қызықтырған сұрақтарын қойды.
Н.КЕСІКҚҰЛ