«Мұғалжар» аудандық қоғамдық-саяси газеті

Қазақстанның жаңа бас прокуроры тағайындалды

Парламент сенаты президентке Қазақстанның бас прокуроры лауазымына Берік Асыловты тағайындауға келісім берді, деп хабарлайды Stan.kz ақпарат агенттігі.

Конституцияға сәйкес, президенттің бас прокурорды тағайындауына келісім беру сенаттың ерекше қарауына жатады.

«Мемлекет басшысы Қазақстан бас прокуроры қызметіне Берік Асыловты тағайындауға сенаттың келісім беруіне ұсыныс енгізді. Президент ұсынған кандидатураны қолдауды сұраймыз», — деді Қазақстан президенті әкімшілігі басшысының орынбасары Ержан Жиенбаев.

Сенат депутаттары кандидатураны бірауыздан қолдап дауыс берді. Кейін тиісті жарлық Ақорда сайтында жарияланды.

«Берік Ноғайұлы Асылов Қазақстан Республикасының бас прокуроры лауазымына тағайындалсын», — делінген жарлық мәтінінде.

Берік Ноғайұлы 1991 жылдан бастап осы уақытқа дейін прокуратура органдарында қызмет атқарып келеді. Қазақстанның бірқатар өңірінде прокуратура органдарын басқарды.

2019 жылдың наурызынан бастап Қазақстан бас прокурорының бірінші орынбасары болды.

Ұқсас ақпараттар

Ақтөбенің іргесіндегі блокбекет кезекшілеріне түскі ас ұйымдастырылды

admin_mugalzhar

УКРАДЕННОЕ ВЕРНУЛИ ВЛАДЕЛЬЦУ

admin_mugalzhar

Более 17 миллионов граждан прошли перепись

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.