Алғыс айту күні Батпақкөл ауылдық округінде де аталып өтті. Мерекеге орай Саға ауылының тұрғыны Жетен Ідірісовтың үйіне округтің жанашыр азаматтарының демеушілік қолдауымен көгілдір отын кіргізілді.
Демеушілік танытып, көмек қажет етіп отырған отбасына өз көмектерін көрсеткендері үшін округ әкімі М.Боқашев Б.Әбдіхаликовқа, Б.Байзақоваға, М.Шотовқа, Т.Әбуовқа, Ж.Жұбаниязовқа Алғыс хаттар табыстап, ауылдастарының атынан ризашылығын білдірді.
Сондай-ақ, көгілдір отын кірген отбасыға «СНПС-Ақтөбемұнайгаз» АҚ-ның өндірісті бақылау, қоршаған ортаны қорғау бөлімінің инспекторлары Қуантай Ульданов пен Олжас Мукатов газ плита сыйға тартты.
Ідірісовтер отбасы қуаныштарын білдіріп, қолдау көрсеткен азаматтарға алғыстарын жеткізді.