Мұғалжарлық тәртіп сақшылар жол бойында көлігі бұзылып, жүрмей қалған Түркия елінің жүргізушілеріне көмектесті. Оқиға 8 наурыз күні «Ақтөбе-Астрахань» тас жолының 93-ші шақырымында орын алған.
«Ақтөбе — Астрахань» тас жолының 65 — 124 шақырымы аралығында жол қауіпсіздігін қамтамасыз ету үшін бекітілген Мұғалжар ауданы полиция бөлімінің патрульдік полиция тобының инспекторлары полиция лейтенанты А.Турақбай мен полиция лейтенанты Б.Елубаев «Ақтөбе — Астрахань» тас жолының 93 шақырымында көлік құралының ақауы пайда болып бұзылып тұрған Түркия елінің азаматтарына көмек көрсетті.
Түркия елінің азаматтары мұғалжарлық полицейлерге жолда көрсеткен көмегі үшін алғыстарын білдірді. Бірлескен күш-жігердің арқасында ауыр жүк көліктерінің ақауы қалпына келтірілді. Түрік жүк көліктері өз жолдарын аман-есен жалғастырды.