«Мұғалжар» аудандық қоғамдық-саяси газеті

«Мұқағали» фильмі Үндістанда көрсетіледі

Қазақстандық режиссер Болат Қалымбетов түсірген «Мұқағали» көркем фильмі Үндістанда наурыздың 18-25 аралығында өтетін 26-шы Халықаралық Керала кинофестивалінің «Әлемдік кино» бағдарламасы шеңберінде көрсетіледі, деп хабарлайды Zakon.kz.

Айта кетерлігі, бұл байқауда Берлин және Канн сынды  басқа да әлемдегі беделді фестивальдерде жүлделерге ие болған фильмдер ұсынылады.

Естеріңізге сала кетсек, ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ түсірген «Мұқағали» фильмі қазақтың ақиық ақыны Мұқағали Мақатаев өмірінің соңғы жылдары туралы баяндайды.

Фильмнің әлемдік тұсаукесері Таллиндегі «А» санатындағы 25-халықаралық «Темные ночи» (PÖFF)  кинофестивалі шеңберінде өтті. Байқаудың негізгі бағдарламасына қатысқан отандық кинотуынды  экуменикалық қазылар алқасының арнайы жүлдесіне ие болды. Былтыр қазан айында биографиялық драма елімізде прокатқа шығып, көрерменнің ыстық ықыласына ие болғанын айта кету керек.

Керала халықаралық кинофестивалі Үндістанда өтетін ең ірі әрі беделді байқаулардың бірі. Мәдени іс-шара Керала штатының мәдениет департаменті ұйымдастыруымен жыл сайын желтоқсан айында өткізіледі. Биылғы фестиваль Covid-19  пандемиясына байланысты наурыз айына ауыстырылып, дәстүрлі форматта өткізілетін болады. Фестиваль шеңберінде барлығы 180 фильм көрсетіледі.

Ұқсас ақпараттар

АЗИЯ ЧЕМПИОНЫНА ТАЙ МІНГІЗДІ

admin_mugalzhar

Тағы бір мемлекет төрт күндік жұмыс аптасына көшуге ниетті

admin_mugalzhar

ЖАҒАБҰЛАҚТЫҢ ЖОЛЫ ЖАҢАРТЫЛУДА

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.