«Көрші ақысы — Тәңір қақысы» демекші, бір-бірімен тату, ауызбіршіліктері жарасқан көршілер бар Қандыағашта. «Жастық» мөлтек ауданы, 81 үй, 4 подъезінің 15 пәтерінің тұрғындары өздеріне тіпті, «Нұр көршілер» деп ат қойып алыпты. Бір-бірінің қуанышы мен қайғысын бөлісуге даяр тұратын көршілер мерекелерді де бірге атап өтуді үрдіске айналдырған. Осы әдетпен «Нұр көршілер» биылғы Наурыз мерекесін де бірге қарсы алып, бірліктің белгісін көрсете білді. Көже асып, ұлттық салт-дәстүрді дәріптеп, балаларға бабалар жолын көрсеткен ізгі мереке шағын тойға ұласты. Бұл күндері жылы лебіздер айтылып, игі тілектер ақтарылды.
Бір-бірінің жанашыр жақынына айналған тату көршілер Наурыз мейрамын осылай, яғни көршілер болып атап өту ауданның басқа да өңірлерінде көрініс тапса екен дейді.
«НҰР КӨРШІЛЕР» МЕЙРАМДЫ АТАП ӨТТІ
