«Мұғалжар» аудандық қоғамдық-саяси газеті

Мәжіліс Сенаттың әлеуметтік желі мен кибербуллингке қатысты түзетулерімен келісті

Мәжіліс депутаттары бала құқықтарын қорғау туралы Заң жобасы бойынша Сенаттың түзетулерімен келісті және егер онда балаларға арналған кибербуллингке жол берілген болса, әлеуметтік желіні толық бұғаттау мүмкіндігін жойды, — деп хабарлайды Tengrinews.kz тілшісі.

«Сенаттың түзетулері балаға зиян келтіретін, тыйым салынған немесе өзге де түрде таратылуы шектелген ақпаратты орналастыруға жол берген Интернет-ресурстармен мемлекеттік органдардың өзара іс-қимыл жасау тетігін өзгертуге бағытталған.

Сенат депутаттары бұқаралық ақпарат құралдары саласындағы уәкілетті органға балаға қатысты кибербуллинг фактілері бойынша сараптама жүргізу тәртібін айқындау құзыреттін беруді, сондай-ақ кибербуллинг фактілерін интернет-ресурстарға қол жеткізуді тоқтатуға негіз болатын заңмен бекітуді ұсынды. Бұл ретте, заң жобасынан уәкілетті органның тыйым салынған ақпаратқа қол жеткізуді шектеу тәртібін айқындау жөніндегі құзыреті алынып тасталды.

Тұтастай алғанда, Сенат ұсынған өзгерістер мен толықтыру Мәжіліс мақұлдаған заң жобасының тұжырымдамасы мен мазмұнын өзгертпейді», — деді депутат Жәмила Нұрманбетова Мәжіліс отырысында.

Депутаттар түзетулерді қолдап, дауыс берді.

«Заң жобасының тұжырымдамасын бірыңғай түсіну — бұл біздің балаларымызды қорлаудан қорғау. Сенат екі ережені нақтылады. Біріншісі — кибербуллингті анықтау бойынша сараптамалық комиссия құру, екіншісі — кибербуллингке қатысты материалдарды ғана жою. Бұл ұсыныстар Мәжіліс ұсынған тәсілдерге толық сәйкес келеді. (…) Қызу талқылау, пікірталастар болды, авторлар заң жобасының нормаларын принципті түрде қорғап, осы нормалардың прогрессивтілігін түсіндірді. Осы күрделі заң жобасын талқылауды аяқтаймыз», — деді Мәжіліс Спикері Ерлан Қошанов.

Ұқсас ақпараттар

Үкімет Халықтың табысын арттыру бағдарламасын әзірледі

admin_mugalzhar

СЛЕСАРЬ ПО ПРИЗВАНИЮ

admin_mugalzhar

Ләззат БҰЛТАНОВА, 11 баланың анасы, «Алтын алқа» иегері: КӨПБАЛАЛЫ АНА АТАНУ АРМАНЫМ ЕДІ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.