Алматы қаласында «Бақытты елдің — ұрпағы» қоғамдық қорының ұйымдастыруымен өткен «Біз бақытты баламыз» атты Халықаралық байқауға қатысқан мұғалжарлық оқушылар жүлдемен оралды. Бүгін өнерпаздарды жанкүйерлері күтіп алды.
Аталған байқауда шебер өнер көрсеткен Ахмет Жұбанов атындағы балалар музыка мектебінің оқушыларынан құрылған «Мұрагер» ансамблі Бас жүлдеге ие болды.
Ал «Мұрагер» студиясында оқитын Алдажар Кенжетай Ғаламат Бейісқожаның «Аналардың арманы» атты күйін нақышына келтіріп орындап, І орынды иеленді. Аталған студияның оқушысы Нұрислам Қойшығұл Әбдімомын Желдібаевтың «Ерке сылқымын» шебер орындап, ІІ орынды жеңіп алды. Жүлдегерлерге музыка мектебінің аға жетекшісі Балымбет Күзенбаев жетекшілік етеді. Қандыағаш қалалық №4 орта мектебінде 8 «А» сынып оқушысы Шыңғыс Талантұлы аспапта ойнау кезеңі бойынша жүлделі І орынды бағындырды. Жеңімпаз Шыңғысқа аталған мектептің музыка пәнінің мұғалімі Алима Садуова жетекшілік етеді.
ДОМБЫРАШЫЛАР ЖҮЛДЕЛІ ОРАЛДЫ
