«Мұғалжар» аудандық қоғамдық-саяси газеті

Референдумның алдын ала нәтижесі белгілі болды

Орталық референдум комиссиясы республикалық референдумның алдын ала қорытындысын жариялады, — деп хабарлайды Tengrinews.kz тілшісі.

«6 маусымда сағат 08:00-де еліміздің барлық өңірлеріндегі және шетелдегі 10 012 сайлау учаскесінде дауыстарды санау аяқталды. Конституциялық түзетулер бойынша дауыс беру жалпыхалықтық сипатта болды. «Республикалық референдум туралы» Конституциялық заңның 31-бабына сәйкес, дауыс беруге құқығы бар азаматтардың жартысынан астамы қатысса, сондай-ақ, облыстардың, республикалық маңызы бар қалалардың және астананың кемінде үштен екісі дауыс беруге қатысса референдум өткізілді деп есептеледі», — деп хабарлады брифингте Орталық референдум комиссиясының төрағасы Нұрлан Әбдіров.

Алдын ала мәлімет бойынша, азаматтардың 77,18 пайызы дауыс берген. Түзетулерге қарсы — 18,66 пайыз. Бюллетеньдердің 2,58 пайызы жарамсыз деп танылды. Дауыстарды санау кезінде бюллетеньдердің 1,58 пайызы есепке алынған жоқ.
Дауыс беруге құқығы бар 11 734 642 азаматтың 7 986 293-і дауыс берді. Дауыс берушілердің 68,06 пайызы қатысты.
Еске салайық, 5 маусымда таңғы 07.00 мен 20.00 аралығында Конституциялық түзетулерге байланысты референдум өтті.

Референдумда қазақстандықтар Конституциядағы түзетулердің болу не болмауына дауыс берді. Яғни бюллетеньде тек бір сұрақ: «Қазақстан Республикасының Конституциясына өзгерістер мен толықтырулар енгізу туралы» заң жобасында баяндалған Қазақстан Республикасының Конституциясына өзгерістер мен толықтыруларды қабылдайсыз ба?». Сұраққа «иә» не «жоқ» деп жауап беруі керек болды.

Ұқсас ақпараттар

Қазақстанда демалыс күнері тағы локдаун енгізіледі

admin_mugalzhar

ЖҰРЫНДЫҚТАР ЖАҢА ҚАЗАҚСТАНҒА ҮЛЕС ҚОСУДА

admin_mugalzhar

Жаңбыр мен найзағай: Алдағы демалыс күндері елімізде ауа райы қандай болады

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.