«Мұғалжар» аудандық қоғамдық-саяси газеті

Дархан Сатыбалды Түркістан облысының әкімі болып тағайындалды

Дархан Сатыбалды Түркістан облысының жаңа әкімі лауазымына тағайындалды деп хабарлады turkystan.kz.

Премьер-министр Әлихан Смайыловтың қатысуымен Түркістан облыстық мәслихатының сессиясы өтті. Жиында әкім қызметіне қос бірдей кандидат ұсынылды. Оның бірі Қазақстан Республикасының Өзбекстан Республикасындағы Төтенше және Өкілетті Елшісі Дархан Сатыбалды болса, екіншісі Сайрам ауданының әкімі Ұласбек Сәдібеков болды.

Халық қалаулыларының басым бөлігі Дархан Сатыбалдының кандидатурасын қолдап дауыс берді.

Дархан Сатыбалды 1974 жылы Сарыағаш ауданында туған. С.Сейфуллин атындағы Ақмола ауыл шаруашылық институтын, Қазақ гуманитарлық-заң университетін бітірген. Мамандығы – экономист-менеджер, заңгер.

Еңбек жолында Премьер-министр Кеңсесі бөлім меңгерушісінің орынбасары, Шымкент қаласының әкімі, Оңтүстік Қазақстан облысы әкімінің бірінші орынбасары болып еңбек етті. Шымкент қаласынан Сенат депутаты болып сайланған. Соңғы жылдары Қазақстан Республикасының Өзбекстан Республикасындағы Төтенше және Өкілетті Елшісі қызметін атқарды.

«Құрмет» орденімен және «Ерен еңбегі үшін» медалімен марапатталған.

Айта кетейік, 2019 жылдың 26 ақпанынан бүгінге дейін Түркістан облысының әкімі қызметін Өмірзақ Шөкеев атқарып келді. Ал 24 тамызда ол отставкаға өтініш берді. Оған басты себеп, 23 ақпанда Кентау қаласының әкімі аса ірі көлемде пара алды деген күдікке ілініп, 10 жылға сотталуы болды.

Ұқсас ақпараттар

Ұстаздық – ұлы құрмет

admin_mugalzhar

ЖАҒЫМСЫЗ ИІС «ЖЫРЫНЫҢ» НҮКТЕСІ ҚАШАН ҚОЙЫЛАДЫ?

admin_mugalzhar

171 актюбинец нуждается в пересадке органов

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.