«Мұғалжар» аудандық қоғамдық-саяси газеті

Енді 17 желтоқсан Қазақстанда жұмыс күні болады

Қазақстандықтар Тәуелсіздік күнін тек 16 желтоқсанда атап өтеді Қазақстанда желтоқсан айындағы демалыс күндердің саны қысқарды.
Нормативтік-құқықтық актілердің ақпараттық-құқықтық жүйесінде «Қазақстан Республикасындағы мерекелер туралы» заңның жаңа редакциясы жарияланды.
Оған сәйкес, енді қазақстандықтар Тәуелсіздік күнін тек 16 желтоқсанда атап өтеді. Сәйкесінше, сол күні демалады. Ал 17 желтоқсан – жұмыс күні.
Сондай-ақ Тәуелсіздік күні «ұлттық мереке» деген мәртебесінен айырылды. Бұдан былай ол мемлекеттік мереке саналады.
Бұған дейін заң бойынша Тәуелсіздік күні 16 және 17 желтоқсан аталып өтетін.
Сонымен қатар осы заңда 1 желтоқсан – Тұңғыш президент күні мемлекеттік мерекелер қатарынан алынып тасталды. Енді бұл күні демалыс болмайды.
Бұдан бөлек, күнтізбеге 25 қазанда тойланатын ұлттық мейрам – Республика күні еніп отыр.
Айта кетері, биыл ел халқы Республика күніне орай қатарынан үш күн – 23, 24 және 25 қазан демалады. Ал сенбі, 22 қазан жұмыс істейді.
Кеше президент Қасым-Жомарт Тоқаев «Қазақстан Республикасының кейбір заңнамалық актілеріне кинематография, мәдениет және мерекелер мәселелері бойынша өзгерістер мен толықтырулар енгізу туралы» заңға қол қойды.

Ұқсас ақпараттар

Жәнібек Әлімханұлы чемпиондық белбеуін елімізге алып келді

admin_mugalzhar

19 ЖОЛ АПАТЫ ТІРКЕЛІП, 3 АДАМ ҚАЙТЫС БОЛДЫ

admin_mugalzhar

ГҮЛІМ МАРАПАТҚА ИЕ БОЛДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.