Ақтөбе облысының бес ауданында орналасқан 7 ауылда соңғы екі жылда қылмыс тіркелген жоқ. Бұл туралы ҚР Ішкі істер министрі Марат Ахметжановтың Ақтөбе облысының тұрғындарымен өткен кездесуінде айтылды. Өзгеге үлгі-өнеге көрсете білген осындай ауылдардың қатарында Мұғалжар ауданының Егіндібұлақ ауылдық округі бар.
Берекелі ауылдағы көз қуантатын бұл көрсеткіш – ауыл тұрғындарының ауызбіршілігі мен құқық бұзушылыққа қарсы иммунитетінің жоғарылығы және Егіндібұлақ ауылдық округінің әкімі Әлімжан Андакулов пен округтің учаскелік полиция инспекторы Дастан Сақтағановтың тыңғылықты қызмет етуінің жемісі.