«Мұғалжар» аудандық қоғамдық-саяси газеті

Ақтөбе облысының қорғаныс істері жөніндегі департаментінің автопаркі 13 жаңа автокөлікпен толықты

Ақтөбе облысының әкімі Ералы Тоғжанов қорғаныс істері жөніндегі департамент жұмысымен танысып,  13 жаңа қызметтік автокөліктің кілтін табыс етті. Қазақстанда жинақталған су жаңа көліктер департаменттің қалалық  және аудандық бөлімдеріне берілді.

«Биыл Қазақстан Қарулы Күштерінің құрылғанына —  30 жыл. Осы жылдар аралығында еліміздің Қарулы Күштері Тәуелсіздігіміздің кепілі болып, оны күзетіп келеді. Департамент қызметкерлеріне  Республикамыздың Қарулы Күштерінің қатарын толықтыруда атқарып  жатқан орасан зор жұмыстары  үшін алғысымды білдіремін. Елімізге тыныштық, береке-бірлік тілеймін», —  деді шара барысында сөз алған өңір басшысы.

Айта кетерлігі, биыл  жергілікті әскери басқару органдарын материалдық-техникалық жарақтандыру бойынша әскерге шақырту науқанын сапалы ұйымдастыруға 433 миллион теңгеден астам қаржы бөлінген.

Сонымен қатар, Әйтеке би, Алға, Ырғыз аудандарындағы қорғаныс бөлімдері мен әскерге шақырту пункттері жаңа ғимараттарға орналасты. Ал Мұғалжар, Хромтау және Шалқар аудандарында әскери шақырту пунктерінің жаңа ғимаратын салу жұмыстары жүргізілуде.

Ақерке САТЫБАЛДЫ, «Ақтөбе» газеті.

Ұқсас ақпараттар

Қазақстан инвестиция тарту бойынша рекорд орнатты

admin_mugalzhar

Мемлекет басшысы Қасым-Жомарт Тоқаевтың су тасқыны салдарынан қалыптасқан ауыр жағдайға байланысты үндеуі

admin_mugalzhar

Ақтөбеде шектеу ережесін бұзған түнгі клуб анықталды

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.