«Мұғалжар» аудандық қоғамдық-саяси газеті

Қорғаныс министрі Ақтөбе гарнизонында болды

Батыс өңірге жұмыс сапары барысында генерал-полковник Руслан Жақсылықов әскери инфрақұрылым нысандарын тексерді.

Ақтөбе облысының әкімі Ералы Тоғжановпен бірге министр екі мәрте Кеңес Одағының Батыры Талғат Бигелдинов атындағы Әуе қорғанысы күштерінің әскери институтына және облыс орталығының басқа да бірқатар мекемелеріне барды.
Қорғаныс ведомствосының басшысы әскери білім ордасының оқу-материалдық базасымен танысып, профессорлық-оқытушылық, ұшқыштар-нұсқаушылар және инженерлік-техникалық құрамымен кездесті.

Генерал-полковник Руслан Жақсылықов курсанттардың тәжірибе ұшуларын орындайтын далалық әуеайлағына барды. Ақтөбе қаласының әскери госпиталіне барған кезде генерал-полковник Руслан Жақсылықов емдеу мекемесінің жабдықталуымен және әскери қызметшілерге арналған медициналық көмекті ұйымдастыру жүйесімен танысты.
Ақтөбе облысының әкімі Ералы Тоғжанов жалпы тәжірибеде әскери дәрігерлер дайындайтын Әуе қорғанысы күштерінің әскери институты мен Батыс Қазақстан мемлекеттік медицина университетінің ынтымақтастығына оң баға берді.

«Қауіпсіз ел» ұлттық жобасының іс-шараларын орындау, оқ-дәрілерді қауіпсіз сақтауды қамтамасыз ету және қоймалардың құрылысына қатысты Мемлекет басшысының тапсырмаларын іске асыруға ерекше назар аударылып отыр.

Жұмыс сапарының соңында қорғаныс ведомствосының басшысы қойылған оқу-жауынгерлік міндеттерді толық және сапалы орындауға, қоймаларды салу барысында техникалық регламенттерді сақтауға, әскери объектілердің диверсияға және өртке қарсы қауіпсіздігін қамтамасыз етуге бағытталған бірқатар тапсырмалар берді.

А.МӘЛІКҚЫЗЫ, «Ақтөбе» газеті.

Ұқсас ақпараттар

Елімізде құжаттарды жедел беру құны төмендейді

admin_mugalzhar

Қазақстандағы туризм саласы: динамика, инвестиция және Neo Nomad Visa

admin_mugalzhar

Бидайдың сатылымдағы бағасы айтылды

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.