Батпақкөл ауылдық округіне қарасты Қожасай ауылында Конституция күні мерекесіне орай 2010-2014 ж.т. жасөспірімдер арасында қазақ күресінен жарыс өтті.
Жарысқа арнайы қатысқан аудан әкімі Дархан Ермағанбетов жарысқа қатысушыларға сәттілік тілеп, оқушыларға тұрақты спортпен айналысу мақсатында күрес кілемін табыстады.
Жарысқа Жағабұлақ және Қожасай ауыдарынан 50-ге жуық оқушы қатысты. Жарыстың қорытындысы бойынша жеңімпаз бен жүлдегер атанған оқушылар медальдармен және дипломдармен марапатталды.
Сонымен қатар Қожасай ауылының 30 оқушысына «Мектепке жол» акциясы аясында «Қазақойл-Ақтөбе» ЖШС-нің демеушілігімен мектепке қажетті оқу құралдары табысталды.