Мерекеде Ембі қаласының әкімі Райымбек Мұсағали Ембі аудандық ауруханасының перзентханасына барып, өмірге сәби әкелген аналармен кездесті.
Ембі қаласында мереке күндері жалпы саны 7 нәресте дүниеге келген. Дәрігерлер бүгінде сәбилердің де, аналардың да денсаулығы қалыпты екенін жеткізді. Қала әкімі Райымбек Мұсағали перзентханаға арнайы барып, жас аналарды құттықтап, сәбилерге Туу туралы куәліктерін салтанатты түрде тапсырып, естелік сыйлықтар табыстады.