Мереке қарсаңында Ембі қалалық мәдени орталығы қызметкерлері «Жанашыр жүрек» акциясы аясында облыс орталығындағы Қарттар үйіне барып, қазыналы қариялардың көңілін көтеріп, ән мен жырдан шашу шашты.
Өнерпаздар Әлеуметтік қызмет көрсету орталығының тұрғындарына мерекелік көңіл-күй сыйлады. Сонымен бірге Ембі қаласының әкімі Райымбек Мұсағалидың Алғыс хаты мен қарттарға қамқор болған мекемеге арнайы сыйлық табыстады. Мәдени орталықтың директоры Нұржамал Шамуршанова іс-шараның басты мақсаты қамкөңіл қарттарға жылулық сезім білдіру екенін жеткізді.