«Мұғалжар» аудандық қоғамдық-саяси газеті

Ақтөбе облысының әкімі Еуропалық Одақтың Қазақстандағы Елшісімен кездесті

Облыс әкімі Асхат Шахаров пен Еуропалық Одақтың Қазақстан Республикасындағы Елшісі Кестутис Янкаускас Ақтөбе облысы мен Еуропалық Одақ елдерінің екіжақты ынтымақтастығының өзекті мәселелерін талқылады, — деп хабарлайды «Ақтөбе» газетіне сілтеме жасаған «Мұғаржар кз» сайты.

Қос тарап экономиканың түрлі салаларындағы ынтымақтастықтың өзекті мәселелерін, өзара іс-қимылды нығайту перспективаларын бағамдап, басқа да бірқатар мәселені қарастырды. 

Асхат Шахаров ынтымақтастықты дамытудың маңыздылығын атап өтіп, Ақтөбе өңірінің инвестициялық әлеуеті туралы хабардар етті.
«Біздің өңір көптеген шет елмен тығыз қарым-қатынаста. Жаңа инвестициялық жобаларды ауыл шаруашылығы, мұнай-химия, машина жасау және құрылыс және т.б. салаларда жүзеге асыруға болады. Мемлекет басшысының тапсырмасына сәйкес, біз инвестиция тарту және шетелдік компаниялармен көпжақты қарым – қатынас орнатуға, қолайлы инвестициялық ахуалды сақтау және дамытуға ерекше назар аударамыз», – деді облыс әкімі.

Өз кезегінде Кестутис Янкаускас Ақтөбе облысының Еуропалық Одақ елдерімен екіжақты ынтымақтастықты дамыту үшін зор әлеуетке ие екенін атап өтті.
«Мен Ақтөбе облысының тиімді географиялық орналасуы мен қомақты ресурстары бар екенін айтып өткім келеді, бұл инвестициялар мен жаңа жобаларды іске асыруға өте қолайлы. Біз белсенді байланыстарды сақтай отырып, Ақтөбе облысы мен Еуропалық Одақ елдері арасындағы өзара тиімді қарым-қатынастарды дамытуды жалғастыруға дайынбыз», – деді Елші.

Кездесу қорытындысында тараптар ынтымақтастықтың барлық өзара тиімді бағыттары бойынша белсенді байланыстарды қолдауға әзір екендіктерін білдірді.

 

Ұқсас ақпараттар

САҒАДАҒЫ НАУРЫЗ ТОЙЫ

admin_mugalzhar

ОЛИМПИАДА ШЫҢЫН БАҒЫНДЫРУДЫ АРМАНДАЙТЫН ГҮЛНҰР

admin_mugalzhar

Ақтөбеде битум зауыты салынады

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.