Үй жануарларын есепке алу 2023 жылдың 1 қыркүйегінен басталды.
Оның ішінде ит пен мысық міндеттеледі. Ал басқа жануарларды есепке қою иесінің өз еркінде. Жануар иесі есепке алу үшін жергілікті ветеринарлық органына чиптеу мақсатында хабар беру қажет.
ҚР Жануарларға жауапкершілікпен қарау туралы Заңының 9 – бабы 1-тармағының 4 тармақшасына сәйкес, үй жануарларын (ит, мысық, т.б) есепке алу, яғни чиптеу жұмысының бағасы 754 тг бір жануар басына.
Чиптеуге қажетті құжаттарға міндетті түрде иесінің ЖСН (ИНН) және жануар туралы толық ақпарат және фотосы қажет болады.
ҚР Жануарларға жауапкершілікпен қарау туралы Заңының 9 – бабы 1-тармағының 1,2 тармақшасына сәйкес чип салынған және салынбаған үй жануарын босатып жіберген жағдайда ескертусіз 10 МРП (36000 тг) айыппұл салынады.
Қосымша ақпарат үшін мына нөмірге хабарласуға болады. 8-71-333-3-67-82 Мұғалжар аудандық ветеринариялық станциясы.