«Мұғалжар» аудандық қоғамдық-саяси газеті

Қазақстанда тауарлар мен қызметтерге ақы төлеудің жаңа жүйесі: іске қосу мерзімі аталды

Қазақстандықтар бір банктің QR-коды арқылы екінші банк қосымшасында немесе құрылғысында төлем жасай алады. Тиісті төлем жүйесін биыл енгізу жоспарланған, — деп хабарлайды Tengrinews.kz сайтына сілтеме жасаған mugalzhar.kz.

Ұлттық банктің баспасөз қызметі мәліметінше, QR-код бойынша төлем қызметі қазір бірнеше банкте қолжетімді.

«2024 жылдың аяғында QR-код арқылы банкаралық төлемдерді жүзеге асыру қызметін іске қосу жоспарланған», — делінген Ұлттық банктің Tengrinews.kz ресми сауалына берген жауабында.

Баспасөз қызметі жаңа жүйе енгізілгеннен кейін азаматтар бір банк қосымшасынан екінші банк қосымшасы/құрылғысы арқылы QR төлемдерін жүзеге асыру мүмкіндігіне ие болатынын түсіндірді.

Еске салайық, Қазақстанда 2021 жылы біртұтас QR-код жүйесіне көшу жоспарланып жатқаны айтыла бастаған болатын. Содан кейін, Сауда және интеграция министрлігі мәліметі бойынша, QR-кодтарын стандарттау жұмыстары басталған, осылайша клиенттер сатып алу ақысын қазақстандық барлық банктермен жұмыс істейтін бір терминал арқылы төлей алады.

Ұқсас ақпараттар

ПОЛИЦЕЙЛЕР ОТБАСЫНА ҚҰРМЕТ КӨРСЕТІЛДІ

admin_mugalzhar

Қазақстанда 50 мыңға жуық адам коронавирустан емделіп жатыр

admin_mugalzhar

«МҰҒАЛЖАРЛЫҚТАРЫМ» ЕРЕКШЕ ЫСТЫҚ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.