«Мұғалжар» аудандық қоғамдық-саяси газеті

Биыл облыста 21 медициналық нысан салынады

Оның 13-і — медициналық пункт, төртеуі —дәрігерлік амбулатория, тағы төртеуіфельдшерлік-акушерлік пункт болады. Бұл туралы облыс әкімі Асхат Шахаровтың төрағалығымен өткен кезекті аппараттық жиында құрылыс, сәулет және қала құрылысы басқармасының басшысы Ержан Мұздыбаев мәлімдеді, — деп жазды «Ақтөбе» газетіне сілтеме жасаған mugalzhar.kz.

— Ақтөбе облысы бойынша «Ауылда денсаулық сақтауды жаңғырту» Ұлттық жобасы аясында 2024 жылға 21 нысанның құрылысы жоспарланған: оның ішінде 6 нысан — ауыспалы, 14 нысан — жаңа. Ауыспалы бір нысан жергілікті бюджет қаражаты есебінен жүргізіледі. Сонымен қатар 2025 жылға 3 көпсалалы орталық ауданаралық ауруханалар құрылысы жоспарланған, — деп атап өтті ол өз баяндамасында.

Құрылысы 2023 жылы басталған Мәртөк ауданының Байтұрасай және Аққайың, Мұғалжар ауданының Қожасай, Шалқар ауданының Қаратоғай және Шоқысу ауылдарындағы медициналық пунктер,  Темір ауданының Алтықарасуындағы дәрігерлік амбулатория, Ырғыздың Нұра ауылында салынатын фельдшерлік-акушерлік пункті жыл соңына дейін пайдалануға берілмек.

Ал 2024 жылы медициналық және фельдшерлік-акушерлік пунктер, дәрігерлік амбулаториялар, жалпы саны 14 жаңа жоба Алға, Мұғалжар, Шалқар, Ырғыз, Қобда, Байғанин және Темір аудандарының ауылдарында іске асады. Құрылыс басқармасы жобалардың құжаттамаларымен айналысуда.

Аймақ басшысы жауапты лауазымды тұлғаларға барлық жобаны сапалы және тиімді орындауды, құрылыс жұмыстарын уақтылы аяқтауды міндеттеді.

Ұқсас ақпараттар

АЛҒАШҚЫ ЖЕҢІСТІН ДӘМІ ӘЛІ ЕСІМДЕ

admin_mugalzhar

Жамбыл облысындағы жарылыстан төрт әскери қызметкер қаза тапты

admin_mugalzhar

АУДАНДЫҚ СПАРТАКИАДА: ҚАНДЫАҒАШТЫҚТАР ЖЕҢІМПАЗ АТАНДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.