Бүгін Қандыағаш қалалық №3 мектеп-гимназиясында «Ынтымағы жарасқан аналар» тақырыбындағы сайыс өтті.
«Тіл — асыл қазынам» атты онкүндік аясында 1 наурыз — Алғыс айту күніне арналып ұйымдастырылған шараға мектептің 1 «Ә», 3 «Б», 3 «Д» және 3 «Г» сынып оқушыларының аналары қатысты.
Аналар арасындағы сайыс
«Таныстыру», «Тәлім-тәрбие және шеберлік», «Кімнің ойы ұшқыр?», Өнерлі өрге жүзер» , «Кім жылдам?» және «Ас адамның арқауы» кезеңдеріне бөлінді. Осы аталған бөлімдер бойынша әр топ өз өнерлерін, тапқырлықтарын, біліктіліктерін, білімдерін ортаға салып, көрермендерге көтеріңкі көңіл-күй сыйлады.
Сайыс қорытындысы бойыша, қатысушылар «Ең белсенді топ», «Ең шығармашыл топ», «Ең креативті топ», «Ең ұйымшыл топ» және «Ең өнерлі топ» аталымдарымен марапатталды.