Еңбек ауылдық округіне қарасты Басшилі және Темір-көпір ауылдарындағы кіреберіс жолдағы көпірлер қалыпқа келтіріліп, уақытша пайдалануға берілді. Бұл туралы ауыл әкімі Аманбай Каюпов хабарлады.
“Округке қарасты Темір-көпір ауылындағы көпірді ауылдың белсенді азаматтарының арқасында қалыпқа келтірдік. Көпірге қосымша бетон жабындысы қойылып, топырақ араласқан қиыршық тас төселді. Сонымен бірге ауылдың қысқы жолдарын күтіп ұстауға жауапты мердігер мекеменің арнайы техникалары мен жұмысшылары да көмекке келді. Басшилі ауылына кіретін кіреберіс жол мен көпірді де бірнеше жерден су шайып кеткен еді. Бұл көпір де уақытша қалпына келтірілді. Аталған жұмыстардың атқарылуына ауыл белсенділері, әкімдік мамандары барынша атсалысып, ауызбіршілік танытты. Алдағы уақытта Басшилі ауылындағы көпірді қалпына келтіру үшін жұмыстанатын боламыз. Тасқын су кесірін тигізген жерлерді алдағы уақытта кезең-кезеңімен қалыпқа келтіріп, жөндеу жұмыстарын жүргіземіз”, — деді округ әкімі.
КӨПІРЛЕР УАҚЫТША ПАЙДАЛАНУҒА БЕРІЛДІ
