Қызыл судың құрығында қалып, зардап шеккендерге жүрегі мейірімге толы балақайлар да көмек қолын ұсынуда. Қандыағаш қалалық №2 орта мектебінде оқитын ағайынды Жансерік пен Жанатбек Сұлтанбектер қайырымдылық шарасынан шет қалмай, игі іске атсалысты. Олар өздерінің жинақ қобдишаларына жинап жүрген қаржыларын қандыағаштық «Мейірім» еріктілер тобына әкеліп, көмек беруге ынталы екендіктерін жеткізген. Балақайлардың өз қажеттіліктеріне жинаған қаржысы тасқын судың кесірінен үйсіз қалған ойылдықтарға жіберілді.
ЖАНАТБЕК ПЕН ЖАНСЕРІКТІҢ ИГІ ІСІ
