Мұғалжар аудандық мансап және Жастар ресурстық орталығы мамандарының ұйымдастыруымен жастар мен түлектерге арнал-ған бос жұмыс орындары жәрмеңкесі өтті.
Ашық аспан аясында өткен жәрмеңкеге аудан жастары белсенді қатысты. Орталық мамандары жиналғандарға мемлекеттік бағдарламалардың маңыздылығын түсіндіріп, еңбек етуге шақырды. Жәрмеңке барысында жалпы саны 16 жұмыссыз жас мамандардан кеңес алды. Нәтижесінде 10 адамға «Жастар тәжірибесі» бағдарламасының жолдамасы берілді. Ал қалған жұмыссыз азаматтарға алдағы уақытта мамандықтарына сай жұмыс орындарына орналасуға ықпал етілетін болады.
Н.АБАТ