Ақтөбе қаласында «DIGITAL KAZAKHSTAN» ЖАҢА ЗАМАНДАҒЫ БІЛІМ БЕРУ атты облыстық педагогикалық тамыз кеңесі өтті.
Тамыз кеңесінде Ақтөбе облысының әкімі А.Шахаров өткен оқу жылының қорытындысы бойынша өткізілген байқаудан №4 Қандыағаш қалалық ЖББОМ «Орта білім беретін үздік ұйым» грантын алып, 13 млн-дық сертификатқа ие болды.
Жиында жас ұрпақты тәрбиелеу жолында жасап жатқан еңбегі мен жеткен жетістіктері үшін облыс әкімінің атынан №5 Жем қалалық ЖББОМ дене шынықтыру пәнінің мұғалімі Е.Жанабаев және Қандыағаш қалалық №3 мектеп-гимназиясының химия, биология пәндерінің мұғалімі М.Қалиева Алғыс хат және 100 мың теңге қаржылай сыйақымен марапатталды.