ҚР Мәдениет қайраткері, әнші, актриса Жанар Айжанова өткен аптада мұғалжарлықтарға арнап «Апа-ау» атты ән кешін берді. Әнші жергілікті тұрғындарды ауданның 20 жылдығымен және қаланың 50 жылдық мерейтойымен құттықтады.
Көгілдір экрнанның арғы жағынан концерттерде немесе комедиялық жанрларда түсірілген кинолардан көріп жүретін әншінің ән кешін тамашалауға барғандар аудандық Мәдениет үйін лық толтырды. Көпшілікке «Апа-ау» деген әнімен танымал болған Жанар Айжанова бұл кеште тек ән айтып қана қоймай, әртістік шеберлігін де танытып, көрермендердің көңіліні бір көтеріп тастады. Кешке қатысқан аудан әкімі Ербол Данағұлов қазақтың әнші қызына мұғалжарлықтардың атынан алғысын білдіріп, сый-құрмет көрсетті.
«МҰҒАЛЖАР-АҚПАРАТ»