Қандыағаш қалалық N1 жалпы білім беретін орта мектебінде Мұғалжар аудандық орталық кітапхананың ұиымдарстыруымен «Кітапханашы күні. Ақынның жыры, жүректің үні» атты мерекелік кеші ұиымдастырылды.
Іс-шараға аудан әкімінің орынбасары Әкімжан Есенаманов қатысып, кітапханашыларды төл мерекелерімен және Республика күні мерекесімен құттықтады.
Мерекенің басты мақсаты – кітапханашы мамандығының имиджін көтеру және оны кәсіби аренада ынталандыру болып табылады. Мерекеге орай ұлттық құндылықтар мен оқырмандар арасын жалғастырып, кітапхана ісі саласының дамуына зор үлес қосып жүрген бір топ сала мамандары аудан әкімінің Алғыс хатымен марапатталды.
Мерекелік кеш ақын, сазгер Талғат Тілеулесовпен кездесу кешімен жалғасын тапты.