Бүгін ауданда «ҚЫС-2024» республикалық командалық-штабтық оқу-жаттығуы өтті. Оқу-жаттығу барысында авариялық-құтқару қызметі және басқа да кезек күттірмейтін жұмыстар іске асырылды.
Яғни «Ақтөбе-Атырау-Астрахань» республикалық маңызы бар тас жолында 112 пультіне 35-40 жолаушы тасымалдайтын автобус бұзылғандығы туралы дабыл сигналы түседі. Сонымен қатар автобуста жедел-жәрдем көмегіне мұқтаж жолаушы бар екені анықталды. Қиын жағдайға тап болған тұрғындарды эвакуациялау мақсатында өңірде жедел штаб құрылды.
Туындаған жағдайды жою үшін оқиға орнына аудандық төтенше жағдайлар бөлімінің жедел тобы, жедел медициналық жәрдем көлігі, сондай-ақ адамдарды эвакуациялауға арналған техникалар жіберілді. Жалпы 30 адам мен 8 техника жұмылдырылды. Бұдан бөлек, зардап шеккен жолаушыға шұғыл медициналық және психологиялық көмек көрсетілді.