Қала аумағында қар тазалау жұмыстары қарқынды жүргізілуде. Қала көшелерін, үлкен және жаяу жүргіншілер жолын тазалау жұмыстарына техникалар мен жұмысшылар жұмылдырылуда. Бұл туралы қала әкімі Қазбек Аққайыр хабарлады.
Қала әкімі бірінші кезекте қоғамдық көліктер жүретін жолдар тазаланып, көктайғақтың алдын алу шаралары жүргізіліп жатқанын жеткізді. Оның сөзінше, қазіргі уақытта қаладағы көшелер мен аялдамалар, жаяу жүргін-шілер жолдары, әлеумет-тік нысандар маңы қардан тазартылуда. 2024 жылға қала көшелерінің тазалығы мен жөндеу жұмыстары үшін бюджеттен 123 млн 797 мың 926 теңге бө-лінген. Аталған жұмыстар жыл аяғына дейін жалғасады. Қандыағаш қаласының көшелерін күтіп ұстау бойынша екі мердігер мекеме жұмыс жасауды. Олар – «Транзит Пром» және «KALAU plus» ЖШС-тері. Мекемелердің иелігінде қар итеретін трактор, автогрейдер, артында сыпырғышы бар трактор т.с.с. басқа да арнайы техникалар бар.
— Мердігер мекемелер қаланы үш бөлікке бөліп, күтіп ұстау жұмыстарын жүргізеді. 2025 жылы да аталған жұмыстарды осы мекемелер жалғастыратын болады. Бұл жұмыстарға бюджеттен келер жылға 143 млн 983 мың 748 теңге бөлінеді деп жоспарлап отырмыз. Бұл мекемелер қыс мезгілінде көшелердің қарын тазалап қана қоймай, тесілген жолдарды жамап, ағымдағы жөндеу жұмыстарын жүргізіп, автомобиль жүргізушілеріне арналған жол жолақтарын, жаяу жүргіншілер жолын сызу, жол белгілерін қою, қала аумағындағы көпірлерді жөндеу жұмыстарын атқарады. Атап айтатын болсам, Қандыағаш қаласының жалпы аумағындағы жолдарды күтіп ұстауға 86 млн 641 мың теңге, «Самал» мөлтек ауданы және Төлеген Айбергенов көшелерін тазалауға 32 млн 622 мың теңге, «Жаңақоныс» және «Болашақ» мөлтек аудандарын күтіп ұстауға 24 млн 70 мың теңге бө-лінді. Жасалатын жұмыстарды қала әкімдігі бақылауда ұстап, қадағалайтын болады, — деді Қазбек Аққайыр.