27-28 наурыз күндері Астана қаласында математика пәні бойынша бастауыш сынып мұғалімдеріне арналған республикалық «Алтын тұғыр» олимпиадасының Республикалық кезеңі өтті.
Мұғалімдердің шығармашылық әлеуеті мен педагогикалық шеберлігін дамыту, мұғалім мамандығының мәртебесін арттыру мақсатында өткен олимпиада мұғалімдердің кәсіби дағдыларын арттыруға ықпал етіп, зерттеушілік және шығармашылық тұрғыдан шыңдалуға, математикалық оқыту процесін жетілдіруге мүмкіндік береді.
Аудандық, облыстық кезеңінен өтіп, олимпиаданың Республикалық кезеңіне 8 мұғалім қатысты. Санаулы мұғалімнің ішінен біздің ауданнан Құмжарған негізгі орта мектебінің бастауыш сынып мұғалімі Тоғжан Бекова да бағын сынап, Республикалық кезеңінің ІІ Дәрежелі Диплом иегері атанды.
Айта кетейік, олимпиада жылына бір рет ҚР Оқу-ағарту министрлігі «Дарын» республикалық ғылыми-практикалық орталығының ұйымдастыруымен өтеді.
ҚҰМЖАРҒАНДЫҚ МҰҒАЛІМ ЖҮЛДЕМЕН ОРАЛДЫ
