Аудандық кәсіподақ ұйымы атынан 24-31 наурыз аралығында ауданнан жалпы саны 50 адам «Сарыағаш», «Мерке», «Шипагер», «Сосновый бор» шипажайларына жолданса, 6 адам облыстық кәсіподақ ұйымының қаржыландыруымен демалуда.
Бұл іс-шара кәсіподақ мүшелерінің денсаулығын нығайту және оларды қолдау мақсатында ұйымдастырылды.
Мұғалжар аудандық білім қызметкерлері кәсіподағының мүшелері бірнеше күн бойы табиғаты көркем, шипалы суымен танымал шипажайларда тынығып, емдік-сауықтыру шараларынан өтеді.
Демалыс барысында олар минералды су қабылдап, түрлі физиотерапиялық ем-дом алады. Сонымен қатар, мәдени-танымдық іс-шараларға қатысып, өңірлердің көрікті жерлерін аралайды.
-Кәсіподақтың мұндай қолдауы білім беру қызметкерлерінің әлеуметтік қорғалуын күшейтіп, олардың жұмысқа деген ынтасын арттыруға септігін тигізеді, — дейді аудандық білім беру қызметкерлерінің кәсіподақ ұйымының төрайымы Жұмагүл Жұмабаева.
Сонымен қатар облыстық кәсіподақ ұйымының қаржыландыруымен тарихи-танымдық экскурсияға Шымкент-Түркістан қалаларына 1 адам және Ташкент-Самарқанд өңіріне 3 адам саяхат жасаған.
БІЛІМ ҚЫЗМЕТКЕРЛЕРІНІҢ САУЛЫҒЫ — БАСТЫ НАЗАРДА
