Батпақкөл ауылдық округіне қарасты Саға ауылында тұрғындардың спортқа деген қызығушылығын арттыру және салауатты өмір салтын қалыптастыру мақсатында жаңа Workout (жаттығу) алаңы салынды.
Жаңа спорт нысаны Саға жалпы білім беретін орта мектебінің алдында орналасқан. Ашық аспан астындағы бұл спорт алаңы жастар мен ересектердің бос уақытын тиімді өткізуіне және салауатты өмір салтын қалыптастыруына мүмкіндік береді.
Жаңа спорт алаңы тұрғындардың сұранысын ескере отырып, жергілікті әкімдіктің қолдауымен жүзеге асырылды. Алдағы уақытта мұнда қоғамдық спорттық іс-шаралар мен жарыстар өткізу жоспарлануда.