«Заң және тәртіп» акциясы аясында Ақтөбе облысының мемлекеттік сәулет-құрылыс бақылау басқармасы, Сыбайлас жемқорлыққа қарсы қызмет, қоғам өкілдері және «Атамекен» студенттік жасақтарының жастар қоғамдық бірлестіктерімен бірлесіп, Алға және Мұғалжар аудандарында көшпелі кеңес өткізілді.
Іссапар барысында келесі проблемалық құрылыс нысандары қаралды:
Алға қаласындағы 5 қабатты, 60 пәтерлік жалдамалы-коммуналдық тұрғын үйдің (1-корпус) құрылысы; Қандыағаш қаласының Самал шағынауданында 600 орындық орта мектептің құрылысы (жобалық-сметалық құжаттаманы түзету);
Ащысай ауылдық округінің Ащысай ауылында 60 орындық орта мектептің құрылысы.
Әрбір нысан бойынша проблемалық мәселелерді шешу жолдары анықталып, құрылыс жұмыстарын орындау кестелері пысықталды.
Мұндай көшпелі кеңестер облыстың басқа да аудандарында жалғасады. Олардың мақсаты – құрылыс нысандарын бақылау, уақытылы анықталған мәселелерді шешу, сондай-ақ мемлекеттік бағдарламалардың ашықтығы мен есептілігін қамтамасыз ету.