Қандыағаш қалалық №3 мектеп-гимназиясында «Жас құтқарушы» сыныбының салтанатты ашылу рәсімі өтті. Оқушылардың төтенше жағдайлар кезіндегі іс-қимыл дағдыларын қалыптастыру, алғашқы көмек көрсету мен құтқару ісінің негіздерін меңгеру арқылы қауіпсіздік мәдениетін дамыту мақсатында өткен шара барысында «Жас құтқарушылар» ант қабылдап, 26 оқушыға Мұғалжар ауданының Төтенше жағдайлар бөлімінің бастығы азаматтық қорғау подполковнигі Мақсат Рятов арнайы куәліктерін табыстады. Ал «Жас құтқарушылар» патриоттық әндер шырқап, мектеп гимнін орындады. Алдағы уақытта аталмыш білім ордасының базасында арнайы оқу кабинеті жабдықталып, өрт сөндіру және қорғаныс құралдарымен қамтамасыз етілетін болады. Сондай-ақ оқушылар арнайы формамен қамтылды. Бұл бастама өскелең ұрпақтың қауіпсіздік мәдениетін арттырып, азаматтық жауапкершілігін нығайтуға бағытталған.
А.МАНАСБАЕВА
«ЖАС ҚҰТҚАРУШЫЛАР» СЫНЫБЫ АШЫЛДЫ
