Аудан аумағында аудандық жастар ресурстық орталығының ұйымдастыруымен «Таза жағалау» экологиялық акциясы өткізілді. Мұғалжарлық белсенді жастар өзен-көлдердің жағалауларын қоқыстан тазартты.
Акцияның мақсаты — су айдындарының жағалауларын тазалау және санитарлық тәртіпті сақтау, сондай-ақ қоршаған ортаға қамқорлық танытуды дәріптеу.
Акция аясында Ащысай ауылдық округінің волонтёрлары Сабындыкөл және Қарасу көлдерінің жағалау аймақтарын тұрмыстық қалдықтардан тазарту жұмыстарын жүргізді.