Биыл бес айда елімізде негізгі капиталға тартылған инвестиция көлемі 18,2%-ға өскен. Негізгі капиталға құйылған қаражаттың елеулі бөлігі жабдықтар сатып алу мен өнеркәсіптік нысандар салуға жұмсалуы – Қазақстан экономикасында технологиялық жаңғырту үдерісі жүріп жатқанын аңғартады. Бұл – өндірістік қуатты арттырып, еңбек өнімділігін көтеруге ықпал ететін маңызды фактор.
Мұндай инвестиция түрлері өңдеуші өнеркәсіп, агроөнеркәсіп және энергетика салаларының бәсекеге қабілеттілігін арттырады. Сонымен қатар, импортты алмастыру мен экспортты ұлғайту саясатына серпін береді. Тиімді инвестиция тарту үшін алдағы уақытта нормативтік базаны тұрақты ұстап, инвестициялық климатты одан әрі жақсартуға басымдық беру қажет.
Жұлдыз Елубай, «Мұғалжар еріктілері» еріктілер тобының жетекшісі.