Аудан әкімі Дархан Ермағанбетов және «Жол активтері сапасының ұлттық орталығы» ШЖҚ РМК Ақтөбе облысы бойынша филиалы директоры Тельман Малаев Қандыағаш қаласында жөндеу жұмыстары жүргізіліп жатқан жолдардың жай-күйін тексерді.
Аудан әкімі алдымен ұзындығы 2,28 шақырым болатын Жайлы мектепке дейінгі автомобиль жолының жөндеу жұмыстарын қарады. Жоба құны 801 млн.теңге болатын жолдың жөндеу жұмыстарын «TSG Construction» ЖШС-і жүргізуде.
Сонымен қатар аудан басшысы Алтынды көшесіндегі жол жөндеу жұмыстарымен танысты. Ұзындығы 0,9 шақырым болатын жолға 154 млн.теңге бөлінген. Жөндеу жұмыстарын «Бірлік НС» ЖШС-і жүргізіп жатыр.
Бұдан кейін аудан әкімі Дархан Жанысханұлы Баймұханбетов көшесіндегі 0,8 шақырым болатын айналма жолдың жұмысын қарады. Аталған жолдың құрылыс жұмыстарына 431 млн.теңге бөлінген. Жөндеу жұмыстарына «СтройСервисПлюс» ЖШС-і жауапты.
Аудан басшысы өзі аралаған объекттілерде жауапты мердігер мекеме басшыларына автомобиль жолдарын жөндеу барысында жұмыстарды сапалы, әрі уақытылы орындауды тапсырды.