Республика күні мерекесіне орай Қандыағаш қаласында жаңа «Дина» супермаркеті өз жұмысын бастады. Салтанатты ашылу рәсіміне Мұғалжар ауданының әкімі Дархан Ермағанбетов арнайы қатысып, қала тұрғындарын мерекемен және жаңа нысанның іске қосылуымен құттықтады.
-Қандыағаш қаласы жылдан-жылға көркейіп келеді. Осындай заманауи сауда нысандарының ашылуы – тұрғындардың тұрмыс сапасын жақсартуға жасалып жатқан нақты қадам. Кәсіп иелеріне табыс, тұрғындарға молшылық пен сәтті сауда тілеймін,– деді аудан әкімі өз сөзінде. Шара барысында келген қонақтарға ыстық палау таратылып, 5 000 теңгеден жоғары сауда жасаған тұрғындар арасында лотерея ойнатылып, сыйлықтар табыс етілді. Ал кішкентай бүлдіршіндерге түрлі-түсті шарлар сыйға беріліп, олардың да жүздеріне қуаныш ұялады.
-Қаламызда осындай үлкен супермаркеттің ашылғанына қатты қуаныштымыз. Бағалары қолжетімді, тауар түрі мол. Енді қала тұрғындарына сауда жасау бұрынғыдан да ыңғайлы болады, – деді қала тұрғыны Айгүл Төлегенова.