ЖАҢА ЖЫЛ МЕРЕКЕСІ ҚАРСАҢЫНДА «КАЗГЕОРУД» ЖШС-І ЖАҚЫН МАҢДАҒЫ ЕЛДІ МЕКЕНДЕРДІҢ БАЛАЛАРЫНА ҚУАНЫШ ПЕН МЕРЕКЕЛІК КӨҢІЛ-КҮЙ СЫЙЛАДЫ.
Компания Қайыңды, Қопа, Бөгетсай ауылдық округтеріндегі балабақша тәрбиеленушілері мен бастауыш сынып оқушыларына, сондай-ақ Ембі қаласындағы мүгедектігі бар және ата-анасының қамқорлығынсыз қалған балаларға тәтті жаңа жылдық сыйлықтар дайындады. Жалпы алғанда, мерекелік жиынтықтар 274 балаға табысталды. Компания өкілдерінің айтуынша, Жаңа жыл алдында балаларға мерекелік көңіл-күй сыйлау кәсіпорынның жыл сайынғы игі дәстүрі. Айта кету керек, жақын маңдағы елді мекендердің балаларын қолдау «КазГеоруд» ЖШС-і қызметінің ажырамас бөлігіне айналған. Әр жылдары компания бірқатар бастамаларды жүзеге асырды. Атап айтатын болсақ, Қайыңды ауылында заманауи спорт алаңы салынды, Алтындыдағы жаңа мектепке спорттық құрал-жабдықтар сатып алынды, ал бірінші сынып оқушыларына жыл сайын қажетті оқу құралдары бар рюкзактар табысталды.
БАЛАЛАРҒА БАҒЫТТАЛҒАН ИГІ ДӘСТҮР
