АСТАНА. KAZINFORM – Ортақ бастамалар қос елдің арасындағы жан-жақты байланысты күшейтеді. Бұл жөнінде Ресей Президенті Владимир Путин Қазақстанға мемлекеттік сапары аясында Қасым-Жомарт Тоқаевпен ресми кездесуінде мәлімдеді.
Үкіметаралық, ведомствоаралық және коммерциялық келісімдердің ауқымды пакеті дайындалды. Олар экономика мен энергетикадан бастап мәдени-гуманитарлық жобаларға дейін барлық саланы қамтиды. Мұның бәрі өзара әріптестікті нығайтады. Ресей – Қазақстанның ең басты сауда серіктестерінің бірі. 2025 жылы тауар айналымы айтарлықтай өсті. Бірлескен 70 инвестициялық жоба іске асырылып жатыр, – деді ол.
Сонымен қатар, Владимир Путин Қасым-Жомарт Тоқаевтың Қазақстан мен Ресей арасындағы өңіраралық байланыс жөніндегі мәлімдемесіне қолдау білдірді.
– Жыл сайын өңіраралық серіктестік форумдары ұйымдастырылады. Өткен жылдың қараша айында Қазақстанда сондай кездесу өтті. Бұл аталған форматтағы 21-ші жиын болатын. Келесі форум да жемісті болатынына күмән келтірмейміз. Сіз айтқандай, алдағы форум 20 тамызда Омбыда өтеді, – деді Владимир Путин.