Мұғалжар ауданында «Жолдағы балалар» жедел-профилактикалық іс-шарасы өткізілді. Іс-шараның негізгі мақсаты – жол-көлік оқиғаларының алдын алу, балалардың жолдағы қауіпсіздігін қамтамасыз ету және жол қозғалысына қатысушылардың құқықтық сауаттылығын арттыру.
Полиция қызметкерлері тұрғындармен түсіндіру жұмыстарын жүргізіп, жол қозғалысы қағидаларын сақтаудың маңыздылығын еске салды. Әсіресе, балаларды жолда күтіп тұратын қауіптер туралы айтып, ата-аналар мен жүргізушілердің жауапкершілігіне назар аударды.
Жедел-профилактикалық іс-шара барысында жаяу жүргіншілер өткелінде балаларға жол бермеген жүргізушілерге қатысты 3 әкімшілік хаттама толтырылды. Сонымен қатар, қауіпсіздік белдігін пайдаланбағаны үшін – 2, көлік басқару кезінде ұялы телефон қолданғаны үшін – 2, балаларды арнайы ұстау құрылғысынсыз тасымалдағаны үшін – 2, жол белгілері мен жол таңбалары талаптарын сақтамағаны үшін – 3 және жаяу жүргіншілердің жол қозғалысы қағидаларын бұзуы бойынша 2 әкімшілік хаттама рәсімделді.
Полицтя өкілдері демалыс кезінде балалардың қауіпсіздігіне ерекше көңіл бөліп, балалармен жолда жүрудің негізгі ережелерін қайталап, көшені дұрыс кесіп өту, бағдаршам талаптарын сақтау және бейтаныс жерлерде абай болу туралы үнемі ескертіп отыруын сұрайды.
БАЛАЛАР ҚАУІПСІЗДІГІ – БАСТЫ ОРЫНДА
